همســـات أفكــاري

مصدر الصورة "يخلق من الشبه أربعين" مثل بنحكى لما نستغرب من الشبه بين شخصين ما بقربوا بعض. في ناس خطر ببالها تسأل: يا ترى شو بيعمل شبيهي هلأ ؟ أو كيف حياته؟ و في ناس كتبت: "من الزهق بدي أدور على 39 يلي بشبهوني" بس سؤالي: عمرك فكرت تدور على حد بيشبهك بردات الفعل؟ عنده نفس تصرفاتك و حركاتك؟ لما تقابل هل الشخص رح تفهم الناس يلي حواليك و حالك أكثر. رح تتفاجأ و تستغرب كيف وجهك بتغير و تعرف متى حواجبك برفعوا و رح تتعرف على ضحكتك الصفراء و تفكر أكثر بردات فعلك حتى لو بسيطة. و الأهم إنك رح تجاوب على سؤال: لو كنت شخص آخر ممكن تصادق ذاتك الحالية بما فيها من مزايا و عيوب؟